Жаратылыстану факультетінде 1-курс студенттері Ақтөбе «Облыстық психикалық денсаулық орталығының» нарколог-маманы Балзада Мурзатлеуовамен кездесті. Факультет ұйымдастырып отырған бұл кездесудің басты мақсаты – студенттердің салауатты өмір салтын ұстануға бейімділігін арттыру, «Есірткіні және психотроптық заттарды пайдаланудың алдын алу» бойынша түсіндірме жұмыстарын жүргізу.
Нарколог-маман студенттерге зиянды әдеттерге айналған темекі, нашақорлық, ішімдікке салыну, олардың денсаулыққа келтіретін зардаптарын және тәуелділіктің арты қайғылы жағдайларға апарып соғатынын жіті түсіндірді.
Кездесу барысында студенттер дәрігер-маманға өз ойларындағы сұрақтарын да қойып тұжырымды жауаптарын алды.
Салтанат Тажекенова, Жаратылыстану факультеті
