Пятница, Март 29, 2024
Басты > БАҚ біз туралы > «Рухани жаңғыру» бағдарламасы сәтті жүзеге асуда

«Рухани жаңғыру» бағдарламасы сәтті жүзеге асуда

«Рухани жаңғыру — тарлан тарих, жасампаз бүгінгі күн, жарқын болашақ!» Бүгін осындай тақырыпта бағдарламаның екі жылдығына арналған облыстық конференция өтті. Мемлекет және қоғам қайраткерлері, белгілі ғалымдар, зиялы қауым өкілдері қатысты.
Конференция облыста жасалған жұмыстар көрмесінен басталды. «Туған жер», «Киелі жерлер географиясы», «100 жаңа есім», «Қазақ тілінің латын қарпіне көшуі» секілді арнайы жобалардың іске асуы туралы мәліметтер «рухани жаңғыру» бағдарламасының өңірде сәтті жүзеге асқанын білдіреді.

Елбасы жария еткен бағдарлама өшкенімізді тірілтіп, жоғалғанымызды қайта жаңғыртуға септігін тигізді дейді конференцияға жиналғандар. Екі жылда атқарылған жұмыс — қыруар.

Конференция барысында, алдағы уақытта ескерілуі қажет ұсыныстар да айтылды. Шара соңында, бағдарламаның сәтті жүзеге асуына үлес қосқан ғалымдар, қоғам қайраткерлері, мамандар ғылым академиясының және облыс әкімінің алғыс хаттарымен марапатталды.

Әнуарбек Мырзатайұлы

http://aktobetv.kz/kz/news/society/ruhani-zhangyru-bagdarlamasy-setti-zhuzege-asuda-1