2019 жылдың 19 сәуірі күні Шалқар ауданында аудандық жастар ресурсы орталығының ұйымдастыруымен «Менің болашақ мамандығым» атты үгіт-насихат жәрмеңкесі өткізілді. Жәрмеңкеге Ақтөбе қаласындағы 5 жоғарғы және 13 арнаулы оқу орындарының өкілдерімен бірге Жұбанов университеті де қатысты.
Үгіт-насихат жәрмеңкесі екі пунктте ұйымдастырылды. 19 сәуір күні танертең Шалқар қаласынан Қауылжар ауылдық округіне қарасты ГКС-12 ЖОББ мектебі базасында өткізілді. Аталған шараға жоғарыда аталған оқу орны өкілдерімен бірге Бершүгір орта мектебі, М.Тәжин атындағы орта мектебі, Ақтоғай және ГКС -12 орта мектептерінің 9, 11 сыныптың 100-ден астам оқушылары қатысты.
Жәрмеңкенің екінші кезеңі Шалқар қаласындағы №8 орта мектепте жалғасты. Аталған мектепке №1, №2, №3, №4, №5, №6, №7, І.Үргенішбаев атындағы мектеп, Т.Шанов атындағы мектеп, Тоғыз орта мектебі, Қарашоқат, Қорғантұз орта мектебінің ата-аналары мен 700-ге жуық оқушысы қатысты.
Жәрмеңке барысында әр оқу орнының өкілдері өз білім ордасы туралы ақпараттар беріп, оқу орнының ерекшеліктері туралы баяндады. Сондай-ақ, Жұбанов университеті мен Жоғары колледж өкілдері Нұрлыгүл Аликулова, Бота Темирова оқу орнымыздың тарихы, материалдық-техникалық, ғылыми базасы, даярланатын мамандықтары, оқу орнының білім алушыларға көрсететін жеңілдіктері мен көмектері, білім жетілдіру бағытындағы қызметтері т.б. ақпараттармен таныстырды. Талапкер мен ата-аналар тарапынан берілген сұрақтарға жауаптар берілді.
Кәсіби бағдар беру бөлімі
