Бүгін Ақтөбеде алғаш рет Қазақстан Республикасының Х-шы жазғы Универсиадасының ашылуы өтті. Жастар жылы мен Ақтөбе қаласының 150 жылдық мерейтойына арналған шара 14 спорт түрінен өтпек. Универсиаданың ашылу салтанатына еліміздің 60-қа жуық жоғары оқу орындары, оның ішінде Жұбанов университеті де қатысты.
Аталмыш шараға облыс әкімі Ондасын Оразалин, Қазақ спорт және туризм академиясының ректоры Қайрат Закирьянов, ҚР БҒМ Ұлттық ғылыми-практикалық дене тәрбиесі орталығының бас директоры Садық Мұстафаев қатысып, қатысушыларды ҚР X-шы жазғы Универсиадасының ашылуымен құттықтады.
