Вторник, Июль 17, 2018
Басты > БАҚ біз туралы > Жаңа кітап жарық көрді

Жаңа кітап жарық көрді

Бүгін философия ғылымдарының докторы, профессор Амангелді Айталының «Дін және діндарлық» атты кітабының тұсаукесері өтті. Мемлекет және қоғам қайраткерінің жаңа туындысы көпшілік аудиторияға арналған. Құдайберген Жұбанов атындағы Ақтөбе өңірлік мемлекеттік университетінде өткен шараға ғалымның әріптестері мен студенттері қатысты.

Жаңа кітапта қазіргі әлем мен Қазақстандағы дін және діндарлық мәселелері айтылған. Әсіресе, қазақ қоғамының дінге оралуы, бүгінгі көрінісі толық баяндалады. Университет ғалымдарының айтуынша, бұл еңбек дінтану, дін социологиясы мен педагогика пәндерінің оқытушылары және магистранттары үшін өте құнды. Әрі қалың оқырман үшін де түсінікті етіп жазылған. Еңбек авторының өзі Амангелді Айталы бұл туындыны жарыққа шығару жолында біраз тер төккенін айтады.

Жаңа кітап, мемлекет және қоғам қайраткерінің алғашқы туындысы емес. Ғылыми зерттеулер негізіндегі еңбектері көпшілікке жақсы таныс. Ал, бұл жолғы шығармасы дін саласында бағыт беретін үлкен еңбектің бірі болары анық дейді оқытушы-ғалымдар.

Тұсаукесер рәсімі, бүгінгі рухани келісім күніне орай ұйымдастырылды. Ал, кез-келген жаңа туындыны көпшілікке таныстыру шарасын өткізу, бұл университетте дәстүрге айналған.

Әнуарбек Мырзатайұлы

источник

Добавить комментарий

Ваш e-mail не будет опубликован. Обязательные поля помечены *