Ақтөбеде әлеуметтендіру орталығы ашылды. Құдайберген Жұбанов атындағы өңірлік университеттің падегогика факультетінде жұмыс жасай бастаған «Сенім» орталығында сөйлеу, көру, есту қабілеті төмен адамдарға қолдау көрсетіледі. Психологиялық күйзеліске түскендер жастарды, ата-анасының қамқорлығынсыз қалған студенттерді қоғамдық ортаға бейімдеу, оңалту шаралары жүргізіледі. Орталық балабақша жасындағы балалардан бастап, ересектерге дейін 4 бағыт бойынша жұмысы жүргізеді.