Суббота, Июль 20, 2019
Басты > Жаңалықтар > Бүгін мектеп бітірушілер Жұбанов университетінде Ұлттық бірыңғай тестілеуге дайындалды

Бүгін мектеп бітірушілер Жұбанов университетінде Ұлттық бірыңғай тестілеуге дайындалды

Бүгін Жұбанов университетінің Кәсіби бағдар беру бөлімінің ұйымдастыруымен Ақтөбеге қаласындағы №8, 59, 67, 60, 50, 58 және Ақтөбе облыстық мамандандырылған физика-математика мектеп интернатынан 300-ге жуық мектеп бітірушілер Студенттер сарайында бас қосты.

Басқосуда университеттің «Математика» кафедрасының доценті, физика-математика ғылымдарының кандидаты Асқарбек Иманчиев мектеп бітіруші түлектерге «Ұлттық бірыңғай тестілеуде кездесетін мәтіндік есептерді шешудің тиімді әдістері» тақырыбында дайындық сабағын өткізді.

Аталмыш шараның мақсаты — талапкерлерге Ұлттық бірыңғай тестілеуде қиындық туғызатын мәтіндік есептерді шешудің тиімді әдістерін көрсету.

Асқарбек Ермекұлы өз іс-тәжірибесінде мәтіндік есептерді шығаруға байланысты әдістерін таныстырып,  түрлі функциялармен шығарылатын есептердің жолдарын түсіндірді.

Сондай-ақ, Асқарбек Ермекұлы дайындық сабағында оқушыларды ҰБТ-ны сапалы және нәтижелі тапсыруға дайындау бағдарламасының міндеттері және дайындаудағы жұмыс жүйесінің негізгі кезеңдеріне тоқтала отырып, математика пәнінен Ұлттық бірыңғай тестілеуде дайындық кезінде жиі қиындық туғызатын мәселелердің шешу жолдары жөнінде баяндады.

 

 

 

Добавить комментарий

Ваш e-mail не будет опубликован.