«СНПС» компаниясының Орта Азия мемлекеттері бойынша Бас директоры Биэн Дэджы мырза Ақтөбе облысына іс-сапары аясында Жұбанов университетіне келді. Мәртебелі қонақпен кездесуге «СНПС-Ақтөбемұнайгаз» АҚ компаниясының Бас директоры Ван Цзюньрен мырза , университеттің бірінші проректоры Қуанышбек Шүңкеев, Халықаралық ынтымақтастық орталығының директоры Гүлжан Шоқым, «Конфуций» институтының Қытай тарапынан директоры Ли Цзяньхун мырза, Ғылыми-инновациялық бағдарламалар департаментінің директоры Берікхан Ісбек қатысты. Ресми басқосуда әріптестік қарым-қатынастар бағыты талқыланды. Содан соң Биэн Дэджы мырза «Конфуций» институтының жұмысымен танысты.