Халықаралық академиялық ұтқырлық бағдарламасы аясында экономика және құқық факультетінің «Экономика және менеджмент» кафедрасына Самара университетінің ( РФ) кафедра меңгерушісі экономика ғылымдарының докторы, профессор Алексей Тяпухин шақырылды.
Профессор Тяпухин сәуір айының 16-28 жұлдызы аралығында екі апта бойына «Менеджмент» және «Экономика» мамандығының студенттері үшін «Инвестициялық менеджмент», «Инновациялық менеджмент» пәндері бойынша сабақ жүргізіп, ғылыми-зерттеу жұмыстарының тақырыптары бойынша магистранттарға кеңес берді.
Сапар барысында ресейлік ғалым Төртінші өнеркәсіптік революция жағдайындағы өңір өнеркәсібі дамуының негізгі бағыттары және дағдарысқа қарсы басқару» тақырыбындағы өңірлік ғылыми семинарға қатысты. Сондай-ақ профессормен қос дипломды білім беруді ұйымдастыру, академиялық ұтқырлық бағдарламасы мен бірлескен ғылыми жобалар ынтымақтастығын әрі қарай дамыту жөніндегі жоспарлар талқыланды.