«Функционирование русского языка в Республике Казахстан» тақырыбында өткен семинарға педагогика, психология және бастауышта оқыту кафедрасының аға оқытушысы, педагогика ғылымдарының кандидаты Светлана Тенеряднова және орыс филологиясы және мәдениаралық коммуникация кафедрасының доценті, филология ғылымдарының кандидаты Гульмира Унгарбаева қатысты. Аталмыш семинар Славян жазуының және мәдениетінің, сонымен қатар Орынбор облысының күндерінің тойлануы аясында ұйымдастырылған болатын.
Өзекті мәселелерді талқылауға Оралдағы Ресей Федерациясының бас консулы А.К.Батманов, ОМПУ-нің орыс тілі және орыс тілін оқыту әдістемесі кафедрасының меңгерушісі Г.М.Кулаева, «Славяне» Ақтөбе облыстық аймақтық орталығы» қоғамдық ұйымының басшысы В.В.Гуменный, Ақтөбе қаласының орыс тілі мен әдебиеті пәнінің мұғалімдері атсалысты.
