16 желтоқсан Қазақстан Республикасының Тәуелсіздік күні қарсаңында Астана қаласында 3-кезеңнен тұратын “Алаштың Ақ жолы” атты жалпы ұлттық ғылыми-зерттеу байқауының қорытынды үшінші кезеңі өткізілді.
Бұл жалпы ұлттық байқауға Астана, Алматы, Қызыл-Орда, Семей, Тараз, Көкшетау, Ақтау, Орал, Атырау т.б. қалаларының жоғары оқу орындары мен ғылыми-зерттеу институттарының доктаранттары, магистрлері, 35-жасқа дейінгі жас оқытушылары, студенттер қатысты.
Байқауға қатысушылар 157 ғылыми-зерттеу жұмыстарын ұсынып, қорғады. Екінші кезеңге 38 жас зерттеуші сұрыпталып, бақ сынады. Соңғы 3 кезеңге 12 жас ғалым жолдама алды. Байқау қорытындысы бойынша жүлделі 2-орынды Қ.Жұбанов атындағы АӨМУ-нің «Тарих» мамандығының 4-курс студенті Асылболат Жылқыбаев (ғылыми жетекшісі-т.ғ.к., доцент С.А.Есқалиев) және 3-орынды осы мамандықтың 3-курс студенті Азизбек Сүлейменов иеленді (ғылыми жетекшісі-т.ғ.к., доцент С.А.Есқалиев).
Жеңімпаз студенттер мен жоба жетекшілерін жетістіктерімен құттықтаймыз!
Асқар САРБАЕВ
тарих факультеті
