2019 жылдың 28 ақпан күні Жұбанов университетінің студенттері «Құқықтану» кафедрасының аға оқытушылары Айнұр Нурутдинованың, Перизат Қалабаеваның жетекшілігімен ҚР Ақтөбе облысы бойынша мемлекеттік қызмет істері және сыбайлас жемқорлыққа қарсы іс-қимыл Агенттігінің «Саналы ұрпақ» жобасы аясында өткізілген Ашық есік күніне қатысты.
Шараның мақсаты — азаматтар мен агенттіктер арасында сенімді және серіктестік қарым-қатынас орнату, азаматтардың сыбайлас жемқорлыққа қарсы дүниетанымын қалыптастыру және сыбайлас жемқорлық көріністеріне төзбеушілікке тәрбиелеу.
Іс-шара аясында студенттерге сыбайлас жемқорлыққа қарсы іс-қимыл ұлттық бюросы Департаментінің экскурсиясы өткізіліп, уәкілетті органның негізгі бағыттары бойынша баяндамалар ұсынылды.
Шараға қатысқан Ақтөбе облысы бойынша сыбайлас жемқорлыққа қарсы іс-қимыл ұлттық бюросының басшысы М.Б.Мұхамбетов мемлекеттік және құқық қорғау қызметіне түсу мәселелері жөнінде сөз етіп, Жұбанов университетінің қызметкерлері мен студенттеріне алғысын білдірді.
Татьяна АЛИМПИЕВА,
«Құқықтану» кафедрасының доценті, т.ғ.к.
