Қ.Жұбанов атындағы Ақтөбе өңірлік мемлекеттік университеті ата-ана қамқорлығынсыз қалған 5 мектеп түлегіне арнайы грант табыс етті, деп хабарлайды Aktobenews.kz тілшісі.
Ақтөбе қаласындағы №8, 18, 14, 16 және Новый орта мектебінің бес түлегі Ақтөбе өңірлік мемлекеттік университетінде тегін білім алады. Егер үздік оқып, қоғамдық жұмыстарда белсенділік танытса, төрт жыл бойы грант күшін жоймайды.
«Университеттің ғылыми кеңесінің шешімімен бес түлекке грант табыс етіледі. Түлектер кез келген мамандықты таңдай алады», — деді университет ректоры Бауыржан Ердембеков.
http://www.aktobenews.kz/2019/05/23/bes-tulek-universitette-tegin-oqidy/
