«Жұбановтан-Абайға» ғылыми-танымдық экспедициясы жолға шықты. «Қазақстанның киелі жерлерінің географиясы» жобасы аясында Ақтөбеден басталған экспедиция Нұрсұлтан, Павлодар, Семей, Абайдың туған жері- Жидебай, Қарқаралы, Баянауыл мен Қарағанды өңірлерін аралап, сол өлкедегі ғылыми-зерттеу орталықтарының жұмысымен танысады. Тәжірибе алмасады. Экспедицияны ұйымдастырған Жұбанов университеті бұл шараны оқу орнының 85 жылдығы мен Абай Құнанбаевтың 175 жылдығына арнап отыр. Экспедиция құрамында тарихшы, филолог ғалымдар, студенттер бар.
http://aktobetv.kz/kz/news/society/gylymi-tanymdyk-ekspediciya-zholga-shykty
