Көп балалы және атаулы әлеуметтік көмек алатын отбасылардан шыққан балалары үшін жоғары білімі бар мамандар даярлауға 180 гранттың 126-сі Жұбанов университетіне бөлінді.
Бүгінгі отырыста Қазақстан Республикасының Ұлттық қорының нысаналы трансферт есебінен көп балалы және атаулы әлеуметтік көмек алатын отбасылардан шыққан балалары үшін бөлінген 180 орынға 7 жоғары оқу орны түсті. Аталған гранттар өңірдің еңбек нарығының қажеттілігін ескере отырып бөлінді: педагогикалық ғылымдар – 139, ақпараттық-коммуникациялық технологиялар, инженерлік, өңдеу және құрылыс салалары, ауыл шаруашылығы мен биоресурстар – 41. Аталған гранттарды тағайындау Ақтөбе облысы әкімдігінің комиссиясында қаралды. Комиссияның алғашқы отырысында өңірге қажет, сұранысқа ие мамандықтар анықталды.
Бөлінген 180 грантқа төмендегі жоғары оқу орындары белгіленді:
1. Қ.Жұбанов атындағы Ақтөбе өңірлік мемлекеттік университеті- 126 грант;
2. Жәңгір хан атындағы Батыс Қазақстан аграрлық-техникалық университеті- 1;
3. С.Сейфуллин атындағы қазақ агротехникалық университеті- 15 грант;
4. Қазақ ұлттық аграрлық университеті – 11;
5. Баишев университеті – 24 грант;
6. Қазақ-орыс халықаралық университет – 3 грант.
Конкурсқа қатысу үшін өтініштер 2019 жылдың 5 – 10 тамыз аралығында жоғары оқу орындарының (Қ.Жұбанов атындағы Ақтөбе өңірлік мемлекеттік университеті, М. Оспанов атындағы Батыс Қазақстан мемлекеттік медицина университеті) қабылдау комиссиясында қабылданады.