Понедельник, Ноябрь 30, 2020
Басты > Ел жаңалықтары > Мемлекеттік және ұлттық жоғары оқу орындары сатылмайды — Президент

Мемлекеттік және ұлттық жоғары оқу орындары сатылмайды — Президент

Мемлекет басшысы Қасым-Жомарт Тоқаев  Ұлттық қоғамдық сенім кеңесінің төртінші отырысында мемлекеттік және ұлттық жоғары оқу орындары сатылмайтынын мәлімдеді,  деп хабарлайды Egemen.kz.

«Менің тапсырмама сәйкес, жоғары оқу орындарының құрылымын өзгерту жұмыстары жүргізілуде. Көптеген жоғары оқу орны коммерциялық емес акционерлік қоғамға айналды. Бұл ел ішінде әртүрлі әңгіме тудыруда. Сондай-ақ мемлекеттік жоғары оқу орындары кейіннен жекеменшікке сатылуы мүмкін деген де күдік бар. Осыған орай мемлекеттік және ұлттық жоғары оқу орындары сатылмайтыны жөнінде мәлімдеймін», деді Қасым-Жомарт Тоқаев.

Еске сала кетейік, бүгін Мемлекет басшысы Қасым-Жомарт Тоқаевтың қатысуымен Ұлттық қоғамдық сенім кеңесінің төртінші отырысы өтті.