Жуырда Жұбанов университетінің «Шамшырақ» командасы Семей қаласының Шәкәрім атындағы университетінің базасында жоғары оқу орындары арасында өткен «Тарих» білім беру бағдарламасы бойынша XII Республикалық студенттердің пәндік онлайн олимпиадасы өтті.
Қатысушылар «Таныстыру», «Зияткерлік» және «Абай әлемі және бүгінгі қоғам» тақырыбындағы турларда бақ сынады.
Университет тарихшылары олимпиада барысында білім ордасының өзіндік ерекшеліктері мен қол жеткізген жетістіктерін таныстырды. Сонымен қатар Батыс аймағындағы киелі жерлердің тарихын арнайы маршурттармен challenge ретінде көрсетті. Олимпиада қатысушыларының «Абай шығармашылығы мен Елбасы Н.Назарбаев саясатының сабақтастығы» тақырыбындағы ғылыми жобасы әділқазылар тарапынан жоғары бағаланды.
Білім сайысының барлық турларында «Шамшырақ» командасы жақсы нәтижелі өнер көрсетіп, олимпиаданың негізгі екі көрсеткіші бойынша жүлделі орындарды иеленді. Жалпы командалық есеп бойынша тарихшылар жүлделі 3 орынға ие болса, жеке көрсеткіш бойынша команда капитаны Айгерім Байкулова жүлделі 3 орынды жеңіп алды.
