Жұбанов университетінің кәсіби-шығармашылық факультетінің 1-курс студенті Дәулет Жалғасов жастар арасында грек-рим күресінен Қазақстан чемпионы атанды.
Осы күндері Ақтөбе қаласында өтіп жатқан чемпионатқа еліміздің 14 облысынан, сондай-ақ Нұр-Сұлтан, Алматы, Шымкент қалаларынан 200-ден астам спортшы қатысуда.
Балуандар 10 салмақ дәрежесінде сынға түседі. Жеңімпаздар Қазақстан құрамасына еніп, Азия және әлем чемпионаттарында өнер көрсетеді.
