2017 жылдың 26 қазан күні Қ.Жұбанов атындағы АӨМУ ғылыми кітапханасында дәстүрлі «Кафедра күні» аясында Экология факультетінің оқырмандарына арналған Ашық есік күні болып өтті.
Ашық есік күні — кітапханада дәстүрге айналған кітапхана жұмысын насихаттау, кітапхананың қорындағы барлық мамандықтар саласына арналған жаңа оқулықтар мен электрондық басылымдармен оқырмандарды хабардар ету.
Ашық есік күніне жаратылыстану факультетінің Экология кафедрасының меңгерушісі, профессор-оқытушылары мен студенттері, сондай-ақ, кітапхана қызметкерлері қатысты.
Көрмеге экология мамандығын дайындауға қажетті оқулықтармен қатар, экономика, педагогика, тарих, мектепке дейінгі тәрбие, бастауыш сыныпта оқыту, дене тәрбиесі және т.б. пәндер бойынша 50-данадан аса жаңа кітаптар мен мерзімді басылымдар қойылды.
Шара кезінде библиограф Гүлзат Шаншарова кітап көрмесіне шолу жасап, электрондық каталогпен жұмыс істеу процесі туралы толық мәлімет берді.
Шара барысында Ақпараттық-библиографиялық бөлім меңгерушісі Дамелия Таубатырова: «Кітапханаға жылына 30 мыңнан аса жаңа кітаптар келіп тұрады. Жаңа басылымдардың барлығы бүгін келушілер назарына ұсынылып отыр»,- деді.
Ашық есік күніне келуші әр оқырманға жарық көрген жаңа кітаптармен қатар, электрондық оқулықтар таныстырылып, кітапхана жұмысының жұмыс барысы көрсетілді.