Бүгін Жұбанов университеті ректорының міндетін атқарушы, тарих ғылымдарының докторы Рахым Бекназаров Ә.Х.Марғұлан атындағы Археология институтының директоры, тарих ғылымдарының докторы Бауыржан Байтанаевпен, облыстық тарихи-өлкетану музейінің директоры Мейрам Дүйсенғалимен және басқа да ғалымдармен кездесті.
Кездесу барысында этнографиялық, археологиялық және табиғи киелі ескерткіштерді жүйелеуге, жан-жақты сипаттауға қатысты мәселелер көтерілді.
Басқосуға жиналғандар «Ақтөбе облысының киелі жерлерінің географиясы» атты иллюстрацияланған мамандандырылған каталогты басып шығару мәселелерін талқылады.
