Халықаралық Отбасы күні қарсаңында Тәуелсіздіктің 30 жылдығына арналған қалалық акцияға Жұбанов университетінің педагогтары мен жас отбасылары қатысты. Олар акция аясында «Анаға тағзым» рухани-адамгершілік тәрбие беру ғимаратының алдына көшеттер отырғызды.
«Музыка және хореография» кафедрасының меңгерушісі Жайнагүл Қартбаеваның айтуынша, мұндай іс-шаралар табиғатқа ұқыпты қарауды дамытуға көмектеседі.
— Қаланың гүлденуіне титтей де болса септігің тиген жақсы ғой… Мереке аясында отбасымызбен ағаш отырғызып, өз үлес қосудамыз. Мұнда біз керемет уақыт өткіздік, бұл күн балаларымызға да ұнады, — деді ол.
Айта кетейік, акция отбасылық дәстүрлерді нығайту, тұрғындарды эко-саналы өмір сүруге және табиғатты қорғауға үндеу мақсатында өткізіліп отыр.