Шетелдік студенттерді қайта қабылдау тәртібі

Қ.Жұбанов атындағы АӨУ-дің «Білім алушыларын қайта қабылдау және ауыстыру тәртібі туралы» ережесіне сәйкес шетелдік ЖОО-дан магистратура және бакалавриат (жалпы орта білім беру базасында) бойынша білім алушылар өту емтиханын сәтті тапсырғаннан кейін қабылданады.

Шығармашылық мамандықтар бойынша өту емтиханы Қ.Жұбанов атындағы АӨУ-де бакалавриаттың білім беру бағдарламаларының топтары бойынша 3-қосымшаға сәйкес шығармашылық нысанында өтеді. Шығармашылық емтихандар келесідей бағаланады: 1-шығармашылық емтихан  — 45 балл, 2-шығармашылық емтихан — 45 балл. Барлығы — 90 балл. Педагогикалық мамандықтар үшін емтихан нәтижелері бойынша өту балы – кемінде 48 балл, педагогикалық емес мамандықтар үшін – кемінде 31 балл (оның ішінде әрбір пән бойынша кемінде 5 балл болуы тиіс).

Шығармашылық емес мамандықтар бойынша өтетін емтихан ақылы негізде (бакалавриат үшін – 2917 тг, магистратура үшін – 3500 тг) өңірлік тестілеу орталығында өткізіледі. Төлемді 4-қосымшаға сәйкес Каспи қосымшасы арқылы төлеуге болады. Бакалавриат үшін тестілеу 1 — қосымшаға сәйкес жалпы білім беретін білім беру ұйымдарының екі бейіндік пәні бойынша, магистратура үшін тестілеу 2-қосымшаға сәйкес шетел тілі және бір бейіндік пән бойынша өткізілетін болады.

Бакалавриат үшін тест тапсырмасы 70 сұрақтан тұрады (әр пән бойынша 35 сұрақ), ең жоғары балл – 90 балл, магистратура үшін шет тілі бойынша – 50 балл, оқуға дайындық тесті – 30 балл, 1 бейіндік пән бойынша – 30 балл, 2 бейіндік пән – 40 балл, ең жоғары балл — 150 балл. Педагогикалық мамандықтар үшін бакалавриаттың тестілеу нәтижелері бойынша өту балы – кемінде 48 балл, педагогикалық емес мамандықтар үшін – кемінде 31 балл (оның ішінде: әрбір пән бойынша кемінде 5 балл болуы тиіс); магистратура үшін 75 балл (оның ішінде: шет тілі бойынша кемінде 25 балл, бейіндік пән бойынша кемінде 7 балл болуы тиіс) құрайды.

Білім алушыларды тестілеуге кіргізу кезінде қауіпсіздікті қамтамасыз ету үшін, сондай-ақ олардың ғимаратқа тыйым салынған заттарды (ұялы телефондар, гаджеттер, шпаргалкалар, оқу-әдістемелік әдебиеттер) алып кіруіне жол бермеу үшін металл іздегіштер қолданылады. Тестілеуге кіргізу барысында тыйым салынған заттар анықталған жағдайда кезекшілер ғимараттан шығару туралы Акт жасайды.

Өту емтиханын тапсыру үшін:

— 2.12.2021 ж. бастап 15.12.2021 ж. дейін Қ.Жұбанов атындағы АӨУ-нің студенттерге қызмет көрсету орталығына (СҚКО) келіп өту емтихандарын тапсыру үшін өтініш беру (өзімен бірге жеке куәлігі және көшірмесі болуы тиіс);

— университет сайтында және әлеуметтік желілерде шығармашылық емтихандардың кестесі мен тестілеу күні жарияланады.

Өту емтиханын сәтті тапсырған жағдайда СҚКО-ға құжаттармен келіп, SMART ARSU мобильді қосымшасы арқылы қайта қабылдауға өтініш беру қажет. 1-3 курстар 20.01.2022 жылға дейін, 2 курс 13.01.2022 жылға дейін, 3 курс пед.мамандықтар 06.01.2022 ж. дейін, магистратура бойынша 13.01.2022 ж. дейін  қабылданады.

SMART ARSU мобильді қосымшасы арқылы қайта қабылдауға өтініш беру:

• «SMART ARSU» мобильді қосымшасын Play market / App store-дан жүктеу;
• «ҚОНАҚ» рөлінде тіркелу;
• «СҚКО Темірқазыққа» кіру;
• «ОҚУҒА ҚАЙТА ҚАБЫЛДАУ» таңдау;
• көрсетілген ұяшықтарды толтыру, қажетті құжаттарды тіркеу және ЖІБЕРУ;
• өтінішті негізгі мәзірдегі «МЕНІҢ ӨТІНІШТЕРІМ» батырмасынан бақылау;
• өтінішті қабылдамаған жағдайда себебін білу үшін ПІКІРДІ (комментарий) ашып қарау;
• бухгалтерлік есеп бөлімінің жауабы шыққаннан кейін, ПІКІРДЕ (комментарий) көрсетілген оқу ақысы мен пән айырмашылығының ақысын төлеп, 2 түбіртектің көшірмесін алып келіп келісімшартқа отыру.

Оқуға қайта қабылдау үшін қажетті  құжаттар  тізімі:

• білім туралы құжаттың түпнұсқасы (аттестат немесе диплом);
• академиялық анықтаманың түпнұсқасы;
• оқуға қабылдау, курстан курсқа ауысу, оқудан шығару туралы бұйрықтың көшірмесі;
• оқуға түсу емтихандары туралы хаттамадан көшірме;
• ЖОО-ның лицензиясының  көшірмесі;
• ф-№ 075У үлгідегі  медициналық  анықтама;
• Құжат тігілетін мұқаба (скоросшиватель), конверт А5.

Туындаған сұрақтар бойынша 87132562896 нөміріне хабарласу.

Temirkazyk2017@mail.ru

Zhubanov_magistratura@mail.ru

@arsu_temirqazyq

 осымша 1

Тестілеудің бейіндік пәндері көрсетілген білім беру бағдарламалары топтарының тізімі

Қосымша 2

  Қосымша 3

Шығармашылық дайындықты талап ететін ББТ тізімі

Қосымша 4