Университеттің барлық курстарында оқу процесі 2022 жылдың 24 қаңтарынан басталады.
Көктемгі семестр төмендегідей форматта ұйымдастырылады:
Бакалавриат үшін:
- І курстар –онлайн;
- ІІ, ІІІ курстар, «Дизайн» ББ IV курсы және қысқартылған ББ І курстары үшін қызыл аймақтан шыққанға дейін аралас оқу (дәріс сабақтар – онлайн, семинар/практикалық, зертханалық сабақтар — офлайн), қызыл аймақтан шыққаннан кейін дәстүрлі оқу форматына көшеді;
- Қысқартылған білім бағдарламаларының ІІ, ІІІ курстары үшін — толық онлайн;
- Кәсіби практикалар офлайн форматта ұйымдастырылады, сәйкесінше практика базасының болуы жағдайында тұрғылықты мекен-жайы бойынша өткізілуі қарастырылады.
Магистратура бойынша:
- Ғылыми-педагогикалық бағыттың І курстары — аралас оқу (дәріс сабақтар – онлайн, семинар/практикалық, зертханалық сабақтар — офлайн);
- Бейіндік бағыттың І курстары үшін өндірістік практика – офлайн.
- II курстарға зерттеу практика – офлайн;
Докторантура бойынша:
- І курстар үшін аралас оқу (дәріс сабақтар – онлайн, семинар/практикалық, зертханалық сабақтар — офлайн);
- II курстарға зерттеу практика – офлайн. Жекелеген білім алушыларға төмендегідей жағдайда оқу процесін қашықтықтан оқытуды ұйымдастыру мүмкіндігі қарастырылады:
- ерекше білім беру қажеттіліктері бар студенттер (ДКК (ВКК) анықтамасы бар жағдайда);
- COVID-19, өкпе пневмониясы және басқа жұқпалы аурулардың белгілері анықталған студенттер.
Білім алушы деканатқа мына құжаттарды тапсыруы керек:
- өтініш
- ДКК (ВКК) анықтамасы
- Дәрігер (терапевт) қорытындысы (ПЦР-тестілеудің теріс нәтижесі)
Университетішілік комиссия құжаттарды қарастырып, қорытындысын шығарады.
Онлайн оқыту форматына ауысқан білім алушылардың Студенттер үйіне төлеген жылдық төлемақысының қалған сомасы 2022-2023 оқу жылының төлемақысы есебінен шегеріледі.
Келесі оқу жылында Студенттер үйіне орналаспайтын білім алушылар «SMART ARSU» қосымшасы арқылы өтініш тастап, төлемдеріңізді қайтарып алуға мүмкіндік бар.
Студенттер үйіндегі киім-кешектеріңізді мүмкіндігінше алып кетуге немесе студенттер үйлерінің меңгерушілерімен байланысып, сақтау қоймасына тапсыруға болады.
Онлайн білім алуға (компьютер, интернет) мүмкіндігі жоқ білім алушыларға Студенттер үйінде тұруға мүмкіндік қарастырылған.