«Жоғары оқу орнының үздік оқытушысы – 2021» республикалық байқауының жеңімпаздарын марапаттау рәсімі Алматыда өтті.
Бұған дейін университетіміздің 5 оқытушысы үздіктер қатарынан табылғаны туралы хабарлаған болатынбыз.
Олар:
Шынар Сағымбаева (физика-математика факультеті)
Меруерт Ерекешева (физика-математика факультеті)
Динара Рамазанова (педагогика факультеті)
Мейрамгүл Сайымова (экономика және құқық факультеті)
Айгүлден Тоғайбаева (педагогика факультеті)
Ғылым департаментінің директоры Людмила Мясникова атап өткендей, байқауға университеттің 11 оқытушысы өтінім берген, олардың 5-і жеңімпаз атанып отыр. «Бұл өте жақсы көрсеткіш, қатысушылар саны жыл сайын артып келеді»,- дейді ол.
Байқау жыл сайын ЖОО оқытушыларының беделін арттыру және оларды одан әрі кәсіби дамуға ынталандыру мақсатында өтіп келеді. Жеңімпаздар 2000 АЕК көлемінде сыйақы алды, бұл шамамен 6 млн теңгені құрайды.
