Четверг, Март 28, 2024
Басты > Білім > Университеттің 12 білім бағдарламасы аккредиттеуден сәтті өтті

Университеттің 12 білім бағдарламасы аккредиттеуден сәтті өтті

Қазақстан Республикасы Аккредиттеу мен рейтингтің тәуелсіз агенттігінің 2022 жылғы 28 қаңтарда өткен Аккредиттеу Кеңесі университетіміздің 12 білім бағдарламасын 7 және 5 жылдарға аккредиттеу жөнінде шешім қабылдады.

Естеріңізге сала кетсек, осы жылдың 29 қараша – 2 желтоқсан аралығында аталған Агенттік тарапынан құрылған сыртқы сарапшылар тобы университетіміздің келесі білім беру бағдарламаларына мамандандырылған аккредиттеу рәсімін өткізген болатын.

 

ББ атауы Аккредиттеу мерзімі
1. 6В01504-Химия 5 жыл
2. 6В01505-Биология 5 жыл
3. 6В05101-Биология 5 жыл
4. 6В05201-Экология 5 жыл
5. 7М05101-Биология 5 жыл
6. 7М05201-Экология 5 жыл
7. 6В01404- Дене шынықтыру және спорт 5 жыл
8. 6В01506-География 5 жыл
9. 6B03101-Психология 7 жыл
10. 7М03101-Психология 5 жыл
11. 6В01801- Әлеуметтік педагогика және тьюторлық (6В01801-Әлеуметтік педагогика және өзін-өзі тану) 5 жыл
12. 6В01902- Арнайы педагогика (6В01901-Дефектология) 5 жыл

 

Аккредиттеу аралас форматта режимінде өтті. Аккредиттеу рәсімі проректорлармен АРТА сыртқы сарапшыларымен on-line кездесуінен басталды. Үш күн ішінде сарапшылар құрылымдық бөлімшелердің басшыларымен, декандармен, кафедра меңгерушілерімен, жұмыс берушілермен, түлектермен және студенттермен кездесулер өткізді. Сондай-ақ, ББ практика базалары мен кафедра филиалдары жұмысымен танысты.

Университет ұжымының аккредиттеуге дайындық кезіндегі қажырлы еңбегі, ұжым мүшелерінің іс-шараларды үлкен жауапкершілікпен атқаруы, білім бағдарламаларының жұмыс берушілері мен түлектерінің аккредиттеу рәсімі аясында өткізілген сұхбаттасуға белсенді түрде қатысуы маңызды кезеңнен сәтті өтуге негіз болды.

 

Академиялық сапаны арттыру департаменті