Құрметті студенттер, магистранттар және факультет үйлестірушілері!
Қ.Жұбанов атындағы Ақтөбе өңірлік университеті 2021-2022 оқу жылының көктемгі семестріне шетелдегі серіктес жоғары оқу орындарында оқу үшін халықаралық академиялық ұтқырлық бағдарламасы аясында құжаттар қабылдаудың ашылғаны туралы хабарлайды.
1 қарашаға дейін академиялық ұтқырлық бағдарламасына қатысуға ниет білдірген үміткерлердің тізімі бар кафедралар мен факультеттер кеңесі хаттамаларының көшірмелерін ұсынуды сұраймыз. Студенттер құжаттар пакетін факультеттердің жауапты үйлестірушілеріне тапсыруы қажет .
Үміткерлерге қойылатын негізгі талаптар:
— Академиялық үлгерімі бойынша 3,5 және одан жоғары деңгейдегі GPA;
-ағылшын тілін меңгеру деңгейі В2-ден төмен емес (алыс шетел Еуропа, АҚШ және Оңтүстік-Шығыс Азия елдерінде серіктес ЖОО-да оқығысы келетін өтініш берушілер үшін қажет);
— академиялық және қаржылық қарыздардың, тәртіптік жазалардың болмауы;
— университеттің қоғамдық өміріне белсенді қатысу.
Бағдарламаға қатысу үшін қажетті құжаттар тізімі:
— Ректордың атына өтініш (ОӘО толтырылады);
— Үш тілде Транскрипт (қазақ.орыс.ағыл.);
— Оқу орнынан анықтама (ЦОС-да беріледі, бас ғимарат 1 қабат);
— Ұсыныс хат (кафедра меңгерушісінен);
— IELTS, TOEFL немесе HSK шет тілін білетіндігін растайтын құжат болған жағдайда (алыс шетел Еуропа, АҚШ және Оңтүстік-Шығыс Азия елдерінде серіктес ЖОО-да оқығысы келетін өтініш берушілер үшін қажет);
— Грамоталар, дипломдар және сертификаттар (көшірмелері);
— Шетелдік паспорттың көшірмесі және жеке куәлік;
— Түйіндеме;
Келесі санаттағы тұлғаларға жататындығын растайтын құжаттар (өтініш берушілер үшін ):
— жетім балалар және ата-анасының қамқорлығынсыз қалған балалар;
— баланың ата-анасының жоқтығын растайтын құжат;
— мүгедектік;
— көп балалы отбасылардың балалары.
Іріктеу кезеңдері:
- Оқу курсы үшін академиялық үлгерім (транскрипт) ;
- Ағылшын тілінің деңгейін анықтау;
- Ағылшын тіліндегі сұхбат.
