Жүзуден өткен Ашық ҚР Чемпионатына университетіміздің магистранттары Әлібек және Айбек Камзеновтер қатысып, 4 алтын медальды қанжығаларына байлады.
Айбек 4х50 микс, брасс 50м, брасс 100 м жүзуден қарсыластарының барлығынан басым түсіп, әлем чемпионатына норматив орындады. Ол 18 маусым мен 3 шілде аралығында су спорты түрлерінен Будапештте (Венгрия) өтетін 2022 жылғы Әлем Чемпионатына жолдама алды.
Әлібек 4х100 микс жүзуден жүлделі бірінші орынды иеленді.
Чемпионатқа ҚР облыстары мен Нұр-Сұлтан, Алматы, Шымкент қалалары құрама командалары және ҚР Ұлттық құрама командасының алдыңғы қатарлы спортшылары қатысты.