Воскресенье, Июль 14, 2024
Басты > Ел жаңалықтары > Бүгін – қуғын-сүргін құрбандарын еске алу күні

Бүгін – қуғын-сүргін құрбандарын еске алу күні

31 мамыр — Қазақстанда 20-ғасырдың 20-50-жылдарындағы жаппай саяси қуғын-сүргін құрбандарын еске алу күні. Сталиндік қуғын-сүргінге зерттеушілер саяси репрессияны, ашаршылықты, халықтар депортациясын жатқызады. Бұл оқиғалардан 4 миллиондай Қазақстан азаматы зардап көрді.

1920-30-жылдардағы ашаршылықтан түрлі дерек бойынша қазақ халқының жартысына жуығы қырылды. Тек Қазақстанда 20 мыңнан астам адам түрмеге қамау, ату сияқты қатал жазаға кесілді. Осы жылдары немістер мен шешендер, Қырым тартарлары және басқа ұлттар Қазақстанға жаппай жер аударылды.

Қазақстанда 1993 жылы сәуірде «Жаппай саяси қуғын-сүргіндер құрбандарын ақтау туралы» заң қабылданған. Содан бері елде сталиндік репрессиянда атылғандарды, қудаланғандарды ақтау процесін жүргізіп жатыр. 1997 жылдан бері 31 мамыр елде «қуғын-сүргін құрбандарын еске алу күні» ретінде аталып өтіледі.

 

/qazaqtimes.com/