Бүгін Жұбанов университетіне Ресей Федерациясының Алтай Республикасы, Санкт-Петербург, Орынбор, Орск, Саратов, Омбы, Қазан, Челябі облыстарында тұратын этникалық қазақ балалары келді.
Олар университетті аралап, жылыжай, Инновациялық технологиялар паркіндегі ғылыми-зерттеу орталықтары мен зертханаларының жұмысымен танысты.
Ресейде тұратын қазақ балалары Ақтөбедегі жазғы лагерьде тынығып жатыр. Балаларға қазақ тілін үйретіп, оларға ана тілінде сабақтар ұйымдастыру — лагерь бағдарламасының басым бағыттарының бірі.
Осыған орай экскурсиядан кейін Жұбанов университетінің Тарих және дінтану кафедрасының аға оқытушысы Айнұр Шынтемірова балаларға «Қазақстан тарихы: өткені мен болашағы» тақырыбында дәріс оқыды.
