Жұбанов университетінде білім алушыларды әлеуметтік қолдау саясаты жүйелі түрде жүргізіліп келеді. Оқу ақысын төлеу бойынша жеңілдіктер оқу жылында екі рет қарастырылады.
Қазіргі таңда барлық факультеттердің білім алушыларынан 2022-2023 оқу жылындағы оқу ақысына берілетін жеңілдіктерге байланысты 371 өтініш келіп түскен. Олардың 314-і, яғни 84,8 пайызы мақұлданды.
Айта кетейік, жеңілдіктер төмендегі ережелерге сай жүзеге асырылады:
1. Жетімдер, ата-анасының қамқорлығынсыз қалған, ата-анасы еңбекке жарамсыз;
2. Оқу үлгерімі үздік GPA 3.95 + ғылыми-зерттеу жұмыстары мен қоғамдық жұмыстарға белсене атсалысу;
3. ІІ және ІІІ топтағы мүмкіндігі шектеулі, бала кезінен мүгедектік;
4. Қазақ диаспорасының өкілі;
5. Ұлты қазақ емес шетел азаматы;
6. Бір үйден екі студент білім алса;
7. Мектеп түлектері арасында өткізілген президенттік олимпиада, ғылыми жұмыстардың жеңімпаздары;
8. ҰБТ 105 балдан жоғары (Алтын белгі);
9. Оқу үлгерімі үздік GPA 3.85 +ғылыми-зерттеу жұмыстары мен қоғамдық жұмыстарға белсене атсалысу;
10. Университет қызметкерлерінің балалары;
11. Спорт, өнер бойынша республикалық жарыстардың жеңімпаздары;
12. Республикалық пәндік олимпиада жеңімпаздары (жеке есепте);
13. Халықаралық деңгейдегі жетістіктер;
14. Қоғамдық өмірге белсене қатысу;
15. Студенттер үйлеріне 1 жылға тегін орналастыру;
16. Қ.Жұбанов атындағы грант.
