- Университетте, оның ішінде университет ішінде және бір ЖОО-дан екіншісіне білім алушыларды ауыстыру және қайта қабылдау кезекті академиялық кезең басталғанға дейін жазғы каникул кезеңінде екі апта бұрын және қысқы каникул кезеңінде бес күн бұрын жүзеге асырылады;
- Білім алушылар оқу бағдарламасының бірінші академиялық кезеңін (1-семестр) толығымен аяқтаған болса, оқудан шығарылғаннан кейін ауыса немесе қайта қабылдана алады;
- Академиялық қарызы бар білім алушылар бір ЖОО-дан екіншісіне, бір білім бағдарламасынан екіншісіне ауыса алмайды;
- Жалпы конкурс бойынша білім беру грантына түскен студент осы білім беру тобының білім беру бағдарламаларына өз грантын сақтай отырып, басқа ЖОО-ға ауыса алады;
- Университетке берілген квота бойынша түскен студент грант бойынша басқа ЖОО-ға ауыса алмайды;
- Білім беру гранты бойынша оқитын студент білім беру грантын сақтай отырып, университеттің білім беру тобының ішіндегі білім беру бағдарламаларына ауыса алады;
- Білім алушы білім беру гранты бойынша бір білім беру тобынан екіншісіне ауыстырылған кезінде білім беру гранты сақталмайды;
- Білім алушыны «Педагогикалық ғылымдар» саласы бойынша білім беру бағдарламаларына ауыстыру және қайта қабылдау ҰБТ-дан сәтті өткен және нәтижелері бойынша белгіленген шекті балдан төмен емес балл алған жағдайда жүзеге асырылады;
- Білім алушыны шығармашылық білім беру бағдарламаларынан басқа ББ-ға ауыстыру ҰБТ дан сәтті өткен жағдайда жүзеге асырылады;
- Білім алушыларды бір білім беру бағдарламасынан шығармашылық ББ-ға ауыстыру шығармашылық емтиханнан сәтті өткен жағдайда жүзеге асырылады.
Қосымша ақпарат алу үшін Студенттерге қызмет көрсету орталығына (СҚКО) хабарласуға болады
Тел.:8 (7132) 562896
Ә.Молдағұлова даңғылы, 34, Бас оқу ғимараты, 1 қабат.