Қ.Жұбанов атындағы АӨМУ Анкара университетімен ынтымақтастық туралы меморандумға қол қойды. Білім және ғылым саласындағы ынтымақтастықтың негізгі бағыттары — студенттер мен оқытушылар құрамының академиялық ұтқырлығы, бірлескен білім беру бағдарламалары, академиялық ақпараттармен алмасу, жарияланымдар, бірлескен семинарлар мен конференциялар ұйымдастыру болып табылады.
Қ.Жұбанов атындағы АӨМУ-ті арасында жасалған меморандум аясында Эразмус + халықаралық бағдарламасына қатысуға, білім беру, оқыту, спорт және жастар саясаты саласындағы жобаларды, ынтымақтастықты, академиялық ұтқырлықты қолдауға бағытталған келісімге қол қойылды.
Сондай-ақ, университеттер арасында «Мевлана» алмасу бағдарламасы хаттамасына қол қойылды. «Мевлана» академиялық бағдарламасы бойынша студенттер мен оқытушылардың алмасуы келесі мамандықтар бойынша жүзеге асырылады: экономика, менеджмент, психология, заң, шетел тілдері, тарих, металлургия, саясат, т.б.
Тарихы, мәдениеті, салт-дәстүрлері және көп жылдық тәжірибесі бар Анкара университеті Түркиядағы жоғары білім саласында ерекше орын алады. Түркиядағы жоғары оқу орындары арасындағы рейтинг көрсеткіші бойынша 30-шы орында тұрады. Бакалавриаттан басқа магистратура, аспирантура, қашықтықтан оқыту, екі дипломдық оқу бағдарламасы да бар.