«К. Жұбанов атындағы Ақтөбе өңірлік мемлекеттік университеті» коммерциялық емес акционерлік қоғамы төмендегі кафедралардағы бос ваканттағы профессор-оқытушылар құрамына конкурс жариялайды:
Кәсіпорынның мекен-жайы: 030000, Ақтөбе қ., Ағайынды Жұбановтар көшесі, 263.
Қызметтердің негізгі мәні-факультетте жоғары және жоғары оқу орнынан кейінгі білім беру бағдарламаларын іске асыруды ұйымдастыру, іргелі ғылыми және қолданбалы зерттеулерді жүзеге асыруды ұйымдастыру.
Қызметтердің мақсаты – факультетте оқу-әдістемелік, ғылыми-инновациялық жетістіктерге қол жеткізу; жеке тұлғаның ұлттық құндылықтар негізінде дамуы мен кәсіби қалыптасуына бағытталған сапалы білім алу үшін қажетті жағдай жасауды ұйымдастыру.
Конкурсқа мынадай тұлғалар қатыса алмайды:
- Он сегіз жасқа толмаған;
- Бұрын сыбайлас жемқорлық құқық-бұзушылық жасаған;
- Қазақстан Республикасының заңнамасында белгіленген тәртіппен өтелмеген немесе алынбаған соттылығы бар;
- Қазақстан Республикасының заңнамасында көзделген басқа да жағдайлар.
Конкурсқа қатысуға үміткер тұлға конкурс өткізу туралы хабарландыруда көрсетілген мерзімде университет сайтында бекітілген «Қ.Жұбанов атындағы Ақтөбе өңірлік университеті» профессор-оқытушылар құрамы мен ғылыми-қызметкерлердің лауазымдарына конкурстық орналасу ережесіне сәйкес құжаттарды ұсынады:
Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, сондай-ақ бұрынғы жұмыс орнының басшылығынан ұсынымдар және т.б.) бере алады.
Профессор лауазымына қойылатын талаптар: жоғары білімі, ғылыми дәрежесі, Білім және ғылым саласында сапаны қамтамамыз ету комитетінің шешімімен берілген немесе университеттің профессор/доцент ғылыми атағының және білім менеджменті бойынша біліктілікті арттыру курстарын аяқтағаны туралы куәліктің болуы.
Доцент лауазымына қойылатын талаптар: жоғары білімі, ғылыми дәрежесі, Білім және ғылым саласында сапаны қамтамамыз ету комитетінің шешімімен берілген немесе университеттің профессор / доцент ғылыми атағының және білім менеджменті бойынша біліктілікті арттыру курстарын аяқтағаны туралы куәліктің болуы.
Аға оқытушы лауазымына қойылатын талаптар: жоғары білімі, ғылыми дәрежесі, біліктілікті арттыру курстарын аяқтағаны туралы куәлік, ғылыми-педагогикалық қызметтегі еңбек өтілі 5 жылдан кем емес, соның ішінде оқытушы лауазымында 3 жыл немесе мамандығы бойынша еңбек өтілі 5 жыл болуы.
Оқытушы лауазымына қойылатын талаптар: жоғары білімі, мамандығы бойынша еңбек өтілі 3 жыл немесе академиялық магистр дәрежесінің болуы.
Конкурсқа құжаттарды тапсыру мерзімі-хабарландыру жарияланған күннен бастап 14 күнтізбелік күннен кешіктірмей, 2023 жылғы 16 тамыздан 2023 жылғы 29 тамызға дейін (сағат 08:30-дан 18:00-ге дейін).
Конкурстың өткізілетін күні мен орны қосымша хабарланады.
Жоғарыда аталған құжаттарды белгіленген мерзімде Қ.Жұбанов атындағы Ақтөбе өңірлік университеті Персоналды басқару департаментіне (3 кабинет) өткізу қажет. Тел. 8-705-604-77-26
21-kz
