Шараға университет басшылығы, ардагер ұстаздар, профессор-оқытушылар мен қызметкерлер қатысты.
Мерекелік кеште Ғазиза Жұбанова атындағы Ақтөбе облыстық филормониясының Ахмет Жұбанов атындағы қазақ ұлт аспаптар оркестрі, филормония әншілері және университеттің өнерпаз студенттері мен оқытушылары өнер көрсетіп, залдағы көрерменге ерекше көңіл-күй сыйлады.
Университет ректоры Лаура Қарабасова құттықтау сөзінде оқу орны ұжымының басым бөлігін әйелдер қауымы құрайтынын атап өтіп, университеттің дамушы қозғаушы күші болып табылатын нәзікжандыларға алғысын білдірді.
Іс-шара барысында университеттің бірқатар оқытушылары мен қызметкерлері облыс әкімінің және Аманат партиясы Ақтөбе облыстық және қалалық филиалының атқарушы хашысының, университет ректорының алғыс хаттарымен марапатталды.
