Жұбанов университетінің физика — математика факультетінің «Жас педагог» мектебі ұйымдастырған семинар-тренинг мамандықты дұрыс таңдай білу мәселесі төңірегінде өрбіді. «Математика», «Физика», «Информатика» мамандықтарының 1-2 курс студенттері арасында «Мамандығым-мақтанышым» атты семинар-тренинг өтті.
Студенттер ең алдымен не үшін педагог мамандығын таңдағандары туралы ой қозғап, таңдаған мамандықтарының ерекше қырларына да тоқталды. Сондай-ақ, студенттер мамандық таңдауда қалай қателеспеу керек, ол үшін не істеу қажет, қандай жолдары бар деген сұрақтарға жауап іздеді.
Семинар-тренингке қатысқан кафедра оқытушылары өмірлік тәжірибелерімен бөлісіп, мамандық таңдау мен оны игере білу жолдарын, әдіс-тәсілдері жайында жастарға кеңінен айтып өтті.
