Олар кеше Ақтөбе қаласындағы жоғары оқу орындарының студенттері арасында Шаңғы тебуден жекелей және командалық есепте өткен қала чемпионатында ойын көрсеткен болатын. Аталған чемпионатта жалпы командалық есепте Жұбанов шаңғышылары І орынды жеңіп алды.
Университеттің ер балалардан құралған командасында кәсіби-шығармашылық факультетінің «Дене шынықтыру және спорт» мамандығының студенттері Асет Нығыметов, Сұлтан Алдабергенов, Манас Садвакасов, Амандос Кенжебаев және техникалық факультетінің студенті Олег Лата шеберлік паш етсе, ал қыз балалар командасын кәсіби-шығармашылық факультетінің «Дене шынықтыру және спорт» мамандығының студенті Нұржауған Сәттіғалиева мен физика-математика факультетінің студенті Аяжан Құттыбаева құрады.
Жекелей есепте де Жұбанов университетінің шаңғышы студенттері жүлделі орындарды иеленді. Атап айтар болсақ, Асет Нығыметов І орын, Нұржауған Сәттіғалиева ІІ орын, Олег Лата ІІІ орынды жеңіп алды.
