Хожа Ахмет Яссауи университеті Түркістан қаласында төртінші түркі әлемі университет жастарының жазғы лагерін ұйымдастыруда.
Жазғы лагерь уақыты: 2018 жылдың 18 маусымы мен 15 шілдесі аралығында Яссауи университетінің Түркістан кампусында өткізіледі. Лагерьде Түркия Республикасынан шақырылған профессор-оқытушылар түркология, түрік тілі мен әдебиеті, тарихы, мәдениет бойынша семинарлар жүргізеді.
Жазғы лагерьге GPI көрсеткіші 2.70 жоғары, «Филология», «Қазақ тілі мен әдебиеті», «Тарих» мамандығының 1-3 курс студенттері қатыса алады. Дәрістер мен экскурсиялар, жатын орын, тәуліктік шығындарды Яссауи университеті тарапынан қамтамасыз етіледі. Студент жол шығынын өзі қамтамасыз етеді.
Қатысушыларға қойылатын талаптар:
- өтініш
- транскрипт
- факультет деканының қызметтік хаты
- қосымшадағы таблица бойынша мәліметтері
Конкурсқа қатысушы үміткерлер құжаттары 2018 жылдың
15 наурызынан кешіктірілмей тапсырылуы тиіс.
Барлық қажетті сұрақтар бойынша халықаралық бағдарламалар бөліміне хабарласуыңызға болады. Тел.: 8 (7132) 24-91-95