«Көрісу күні» бастауын сан мыңдаған ғасырлардан алатын, бүгінде еліміздің батыс өңірінде сақталып қалған дәстүр. Наурыздың 14-і «Көрісу күні» деп аталады. Ал халық арасында Наурыз мейрамын қарсы алу осы күннен басталады деген түсінік бар.
Ерте замандарда бұл күні ауыл тұрғындары ерте тұрып, елең-алаңнан жасы үлкен адамдарға сәлем беріп, көрші-қолаң бір-біріне «Жасың құтты болсын!», «Жасыңа жас қосылып, ғұмырың ұзақ болғай!» деп тілек айтады екен. Көрісу күні бұрынғы өкпе-реніш кешіріліп, араздық ұмытылады деп те есептелген.
Көрісу — тек адамдардың бір-біріне амандасып, жақсылық тілейтін, бір-бірімен қауышатын мерекесі ғана емес, сондай-ақ жасы үлкендерге ізет көрсетіп, ілтипат білдіретін күн. Өйткені Көрісу салты бір күнмен шектеліп қалмайды, наурыз бойы жалғаса береді.
Жұбанов университетінде экономика және құқық факультетінде «Экономика және менеджмент» кафедрасының профессор-оқытушыларының ұйымдастыруымен қазақтың салт дәстірін насихаттау мақсатында «Көрісу күнін» атап өтті. Студенттер арасында гір көтеруден жарысып, арқан тарту, күш сынасу секілді қазақтың ұлттық ойындары ойналды.