Қ.Жұбанов атындағы Ақтөбе өңірлік мемлекеттік университеті мен Синьцзян қаржы экономикалық университеті 2012 жылдан бері білім және ғылым саласында бірлесе қызмет атқарып келеді.
Серіктес жоғары оқу орны Синьцзян қаржы-экономикалық университеті – Қытайдың Синьцзян-Ұйғыр автономиялық аймағындағы алдыңғы орындағы жетекші университеттердің бірі.
Халықаралық ынтымақтастық аясында университетіміздің техникалық, экономика және құқық, тарих, жаратылыстану, биология, шетел тілдері факультеттерінің 2-3 курс студенттері 2017-2018 оқу жылының 1-ші жарты жылдығына халықаралық академиялық ұтқырлық бағдарламасы бойынша Қытай Халық Республикасының Синьцзян қаржы-экономикалық университетіне оқуға жіберілді.