Жұбанов университетінің студенттері самбодан жүлдемен оралады. Университеттің кәсіби-шығармашылық факультетінің екінші курс студенті Бекзат Мұханбетов (53 кг. салмақ дәрежесінде) спорттық самбодан 1 орын алды.
«Дене шынықтыру және спорт» мамандығының 3 курс студенті Арман Тұрымбетов 53 кг салмақ дәрежесінде жауынгерлік самбодан 1 орынды иеленді.
Жұбанов университетінің түлегі, әлем чемпионы, әлем кубогының 2 дүркін иегері Есет Қуанов 71 кг салмақта өзінің салмақ дәрежесін өзгертіп, спорттық самбодан әлем чемпионы Нұрбол Серіковпен кездесті, 2 орынға ие болды.
Тәуелсіздіктің 30 жылдығына арналған самбодан әйелдер мен ерлер арасындағы Қазақстан чемпионаты Талдықорған қаласында 24-27 ақпан аралығында өтті, оған 550 спортшы қатысты.