Среда, Февраль 8, 2023
Басты > Жаңалықтар > Қауіпсіздік ережелері жайлы айтылды

Қауіпсіздік ережелері жайлы айтылды

Жоғары оқу орындарында білім алушылардың қауіпсіздігін сақтау  өзекті мәселелердің бірі. Террорлық қауіп-қатер, өрт секілді тағы да басқа қатерлердің алдын алу маңызды.

Осыған орай Ақтөбе қалалық төтенше жағдайлар басқармасының бас маманы, аға лейтенант Дамир Ахатов профессор-оқытушылар құрамы және оқу ғимараттары мен жатақханалардың әкімшілерімен кездесіп, түсіндіру жұмыстарын жүргізді. Ол қауіп-қатер кезінде ережелерді дұрыс сақтай білуге баса назар аударды.

Сонымен бірге кездесуде Ситуациялық орталық директоры Нұркеш Жалғасбаев және университеттің төтенше жағдайлар және өрт қауіпсіздігі жөніндегі инспекторы Вадим Ишкенов ЖОО-да қауіпсіздік шаралары бойынша жүргізіліп жатқан жұмыстар туралы айтты.

Мұндай түсіндіру жұмыстары жақын арада студенттерге  де жүргізілетін болады.