Білім алушыларын қайта қабылдау және ауыстыру тәртібі

Жұбанов университетінің «Білім алушыларын қайта қабылдау және ауыстыру тәртібі туралы» ережесіне сәйкес шетелдік ЖОО-дан немесе Қазақстандық ЖОО-дан ҰБТ сертификаты болмаған жағдайда бакалавриат (бірінші жоғары білім 4 жылдық) бойынша білім алушылар өту емтиханын сәтті тапсырғаннан кейін қабылданады.

Шығармашылық білім беру бағдарламалары бойынша өту емтиханы Жұбанов университетінде бакалавриаттың білім беру бағдарламаларының топтары бойынша 2-қосымшаға сәйкес шығармашылық нысанында өтеді. Шығармашылық емтихандар келесідей бағаланады: 1-шығармашылық емтихан  — 45 балл, 2-шығармашылық емтихан — 45 балл. Барлығы — 90 балл. Педагогикалық ББ үшін емтихан нәтижелері бойынша өту балы – кемінде 48 балл, педагогикалық емес ББ үшін – кемінде 31 балл (оның ішінде әрбір пән бойынша кемінде 5 балл болуы тиіс).

Шығармашылық емес мамандықтар бойынша өтетін емтихан ақылы негізде (1 МРП – 3063 тг) өңірлік тестілеу орталығында өткізіледі. Төлемді 3-қосымшаға сәйкес Каспи қосымшасы арқылы төлеуге болады. Бакалавриат үшін тестілеу 1 — қосымшаға сәйкес жалпы білім беретін білім беру ұйымдарының екі бейіндік пәні бойынша өткізілетін болады.

Бакалавриат үшін тест тапсырмасы 70 сұрақтан тұрады (әр пән бойынша 35 сұрақ), ең жоғары балл – 90 балл. Педагогикалық және құқық білім беру бағдарламалыры үшін бакалавриаттың тестілеу нәтижелері бойынша өту балы – кемінде 48 балл, басқа ББ үшін – кемінде 31 балл (оның ішінде: әрбір пән бойынша кемінде 5 балл болуы тиіс) құрайды.

Білім алушыларды тестілеуге кіргізу кезінде қауіпсіздікті қамтамасыз ету үшін, сондай-ақ олардың ғимаратқа тыйым салынған заттарды (ұялы телефондар, гаджеттер, шпаргалкалар, оқу-әдістемелік әдебиеттер) алып кіруіне жол бермеу үшін металл іздегіштер қолданылады. Тестілеуге кіргізу барысында тыйым салынған заттар анықталған жағдайда кезекшілер ғимараттан шығару туралы Акт жасайды.

Өту емтиханын тапсыру үшін:

— 2022 жылдың 5–16 желтоқсан аралығында Жұбанов университетінің студенттерге қызмет көрсету орталығына (СҚКО) келіп өту емтихандарын тапсыру үшін өтініш беру (өзімен бірге жеке куәлігі және көшірмесі болуы тиіс);

— университет сайтында және әлеуметтік желілерде шығармашылық емтихандардың кестесі мен тестілеу күні жарияланады.

Өту емтиханын сәтті тапсырған жағдайда СҚКО-ға құжаттармен келіп, SMART ARSU мобильді қосымшасы арқылы қайта қабылдауға өтініш беру қажет. 1-4 курстар 2023 жылдың 4–16 қаңтар аралығында, 2 курс педагогикалық ББ 2023 жылдың 4–9 қаңтар аралығында  қабылданады.

SMART ARSU мобильді қосымшасы арқылы қайта қабылдауға өтініш беру:

• «SMART ARSU» мобильді қосымшасын Play market / App store-дан жүктеу;
• «ҚОНАҚ» рөлінде тіркелу;
• «СҚКО Темірқазыққа» кіру;
• «ОҚУҒА ҚАЙТА ҚАБЫЛДАУ» таңдау;
• көрсетілген ұяшықтарды толтыру, қажетті құжаттарды тіркеу және ЖІБЕРУ;
• өтінішті негізгі мәзірдегі «МЕНІҢ ӨТІНІШТЕРІМ» батырмасынан бақылау;
• өтінішті қабылдамаған жағдайда себебін білу үшін ПІКІРДІ (комментарий) ашып қарау;
• бухгалтерлік есеп бөлімінің жауабы шыққаннан кейін, ПІКІРДЕ (комментарий) көрсетілген оқу ақысы мен пән айырмашылығының ақысын төлеп, 2 түбіртектің көшірмесін алып келіп келісімшартқа отыру.

Оқуға қайта қабылдау үшін қажетті  құжаттар  тізімі:

• білім туралы құжаттың түпнұсқасы (аттестат немесе диплом);
• академиялық анықтаманың түпнұсқасы;
• оқуға қабылдау, курстан курсқа ауысу, оқудан шығару туралы бұйрықтың көшірмесі;
• оқуға түсу емтихандары туралы хаттамадан көшірме;
• ЖОО-ның лицензиясының  көшірмесі;
• ф-№ 075У үлгідегі  медициналық  анықтама (Жұбанов университетінің емханасы арқылы  куәландырылған);
• Құжат тігілетін мұқаба (скоросшиватель), конверт А5.

Сұрақтар бойынша 87132562896, 87084716548 нөмірлеріне хабарласыңыз.

 Қосымша 1

Тестілеудің бейіндік пәндері көрсетілген білім беру бағдарламалары топтарының тізімі

Қосымша 2

Шығармашылық дайындықты талап ететін ББТ тізімі

Қосымша 3