Өткен апта Жұбанов университеті үшін жемісті болды. Университетіміздің студенттері Алишер Смайлов пен Гүлдана Амангелді Әлем Чемпионатында 1-орынға ие болды.
Атап айтқанда, Қарағанды қаласында өткен Nomad MMA бойынша Әлем Чемпионатында Алишер Смайлов жеңіс тұғырынан көрінді. Бұл чемпионатқа 20 елден 874 қатысушы қатысқан. Әлішер университетіміздің техникалық факультетінің «Тау-кен ісі» білім бағдарламасының 2-курс студенті.
Ал қазан айының 26-30 аралығында Тбилиси (Грузия) қаласында әйелдер арасында Унифайт (лайт контакт) бойынша өткен Әлем Чемпионатында Гүлдана Амангелді 1-орынға ие болды. Әлем чемпионы атанған студентіміз 57 келі салмақ дәрежесінде бақ сынады. Ол бұған дейін Қырғызстан, Өзбекстан, Түркия елдерінде өткен чемпионаттарда жүлделі орындарға ие болды. Гүлдана Кәсіби-шығармашылық факультетінің «Дене шынықтыру және спорт» білім бағдарламасының 4-курс студенті.
Көк байрағымызды желбіретіп, әлемдік дода жеңіске жеткен спортшыларымызды жеңісімен құттықтаймыз!