Жұбанов университетінің Оқу-әдістемелік жұмыс және қашықтықтан білім беру орталығы аталған оқу ордасының профессорлық-оқытушылық құрамына арналған «Қ.Жұбанов атындағы АӨУ-нің Үздік әдіскер-оқытушысы» байқауын жариялайды.
Байқаудың мақсаты — профессорлық—оқытушылық құрамның білім беру қызметіндегі табыстары мен жетістіктерін ынталандыруды арттыру және оқу процесін сапалы ұйымдастыру тәжірибесін насихаттау.
Байқау 2 кезеңнен тұрады:
І кезең — факультетішілік (мерзімі: 15.02-19.02. 2021 ж.);
ІІ кезең — университетішілік (мерзімі: 02.03.2021 ж.)
Байқауға жоғары білім беру саласында кем дегенде 3 жылдық еңбек өтілі бар факультет оқытушылары қатысады.
Байқауды ұйымдастыру және өткізу: «Қ.Жұбанов атындағы АӨУ-нің Үздік әдіскер-оқытушысы» байқауы туралы Ережеге (ҒК. 04.11.2020 ж. №4 хаттама) сәйкес жүзеге асырылады.
Байқау қорытындысы университетішілік комиссия шешімімен анықталады және университет ректорының бұйрығы негізінде байқау жеңімпазына «Үздік әдіскер-оқытушы» номинациясы тағайындалып, жеңімпаздар ақшалай сыйақымен, дипломдармен марапатталады.
Факультеттің әдістемелік кеңесі төрағалары байқаудың І кезеңінің ұйымдастырылуы мен өткізілуі туралы тиісті құжаттамаларды Оқу-әдістемелік жұмыс және қашықтықтан білім беру орталығына 12.02.2021 ж. тапсырады.
ЕСКЕРТУ! Байқау туралы талаптар мен 2 кезең бойынша ұсынылатын құжаттамалар «Қ.Жұбанов атындағы АӨУ-нің Үздік әдіскер-оқытушысы байқауы туралы Ережеде» (ҒК. 04.11.2020 ж. №4 хаттама) көрсетілген.
