Жұбанов университетінің студенттері еріктілер қатарында үнемі қайырымдылық шараларының басы-қасында жүреді.
Жойқын зілзаладан зардап шеккен Түркия Республикасына Ақтөбе облысынан жіберілген гуманитарлық көмекке Жастар ресурстық орталығымен бірлесе Жұбанов университетінің 50-ге жуық студенттері де атсалысты.
Гуманитарлық жүкте аса қажетті жылы киім-кешектер, азық-түлік, балаларға арналған тағамдар, төсек-орын жабдықтары, тұрмыстық және жеке гигиеналық заттар бар.
Барлық тауарларды жинау, қаптау жұмыстары Ә.Молдағұлова атындағы Ақтөбе халықаралық әуежайында ұйымдастырылды.