Бүгін Жұбанов университетінде «Зорлық-зомбылыққа қарсы 16 күн» акциясы аясында Денсаулық және салауаттылық орталығының ұйымдастыруымен «Агрессор мен жәбірленушінің психологиялық портреті» тақырыбында дөңгелек үстел өтті.
Дөңгелек үстелге облыс әкімінің жанындағы Әйелдер істері және отбасылық-демографиялық саясат жөніндегі комиссияның мүшесі Еркін Шүкірова, университеттің профессор-оқытушылар құрамы, Денсаулық және салауаттылық орталығының психолог мамандары қатысты.
Облыс әкімінің жанындағы Әйелдер істері және отбасылық-демографиялық саясат жөніндегі комиссияның мүшесі Еркін Шүкірова агрессивті мінез-құлықтың туындау себептеріне тоқталды. Оның айтуынша әр адамның тәрбиесіне, ерекшеліктеріне байланысты психологиялық күйзеліс, жастардың отбасылық жауапкершілікке дайын болмауы, әртүрлі мәселелер агрессивті мінез-құлықты тудырады. Сондықтан зорлық-зомбылықтың алдын алу, қатігездікке жол бермеу жүйелі іске асырылуы керек дейді Еркін Шүкірова.
Жиында Денсаулық және салауаттылық орталығының психолог мамандары профессор-оқытушыларға құқықтық сауаттылықты арттыру, зорлық-зомбылықты болдырмау бойынша тренингтер өткізді.