Бүгін Жұбанов университетінің оқытушыларына Purdue университетінің профессоры Асунда Паул Андека STEM білім беру бағытындағы оқыту курсын бастады.
Шетелдік ғалым 29 мамыр мен 1 маусым аралығында курс қатысушыларына STEM әдістерін практика жүзінде үйрететін болады. Сонымен қатар сабақ барысында өзара пікір алмасу, талқылау, топтық жұмыстар жүргізіледі.
Естеріңізге сала кетейік, Жұбанов университеті Сәтбаев университеті мен АҚШ-тың зерттеулер бойынша жетекші орындағы Purdue университетімен бірлесіп Халықаралық білім беру жөніндегі Америкалық кеңеске жоба жоспарын ұсынып, алғаш рет U.S.-Kazakhstan University Partnership Program бағдарламасының грантын иеленген болатын.
Жобаға қатысып, курсты сәтті аяқтаған оқытушыларға Purdue университетінің профессоры мен АҚШ елшілігінің қолдары қойылған халықаралық сертификаттар табысталады.