Ақтөбе қаласының 155 жылдығы және әйгілі суретші Әбілхан Қастеевтің 120 жылдығына орай өткен Жас суретшілер байқауына Жұбанов университетінің студенттері қатысып, жүлделі номинацияларды иеленді.
Байқау «Ақтөбе-алтын бесігім», «Бояулар құпиясы», «Сүйікті кітабымның иллюстрациясы» номинациялары бойынша бағаланды. «Ақтөбе – алтын бесігім» номинациясы бойынша «Визуалды өнер, көркем еңбек, графика және жобалау» мамандығының 2 курс студенті Ақжан Нұрышева, «Бояулар құпиясы» номинациясы бойынша «Визуалды өнер, көркем еңбек, графика және жобалау» мамандығының 1 курс студенті Адина Иманқұлова, «Сүйікті қаламның иллюстациясы» номинациясы бойынша «Визуалды өнер, көркем еңбек, графика және жобалау» мамандығының 4 курс студенті Ырысжан Қайшан жеңімпаз атанды.
Жас суретшілердің шығармашылық қырларын ашып, дарынды жастарға қолдау таныту мақсатында ұйымдастырылған сайыста жалпы талантты 40 жас бақ сынады.